ما كنت اعتقد ان يتطور النقاب و الحجاب و العباة بهذه السرعة اللي اطير العقل !
إلا لما شفت بأم عيني عند عودتي بالشالية برفقة الأهل !
غالبا ما نمر على منطقة " .........." لقربها من الشالية لشراء بعض الحاجيات الناقصة أو اللي
تنفقد دائما و ابدا من شاليهنا المصون
و احنا في هذه المنطقة و تحديدا في سوقها الشعبي لشراء بعض المطَاطير و مشخال و كم جدر
اللي عادة ما ينباق من الشالية حتى استسلمت امي المسكينة لهذا الواقع !!
و إذ يلفت نظري امرأة بمنتصف العشرينات ..
ذات لفة سوداء ارتفاع علبة نيدو!
و قذلة جانبية..
و نقاب !
نقاب يمكن طوله بدون مبالغة شبر !!
و الأدهى و الأمر عباة مخصرة شي مو طبيعي و شيفون !!
صراحة ما يصير !!
نقاب و قذلة !
و ين احترام الدين .. و ين السمت؟؟ هل هذا اسم حجاب ...
لا حول و لا قوة إلا بالله !!
و بطلعتنا إلا نمر على محل يبيع شيلات و عبي !و الطيب عارض في الفترينا
عباة مطرز عليها تليفون نوكيا و عبارة نوكيا !!
يعني مادرينا ان نوكيا قامت تفصل عباءات لبنات الكويت !!
صراحة شي عجيب غريب !!
الله يرحم الحال ...
و يهدي بناتنا و يثبتهم .. و يصلحهم ..
و اتمنى ان يطور الذوق العام .. فالله جميل يحب الجمال ..
و انا ادري ان هذه الأشكال قلة قليلة و شاذة ..
و عسى الله يهدي شباب و شابات المسلمين..
و ياليت من كل بنت قبل لا تطلع تشوف شكلها هل يرضي الله سبحانه و تعالى ؟؟
